ਵਿਦੇਸ਼ ਮਾਮਲੇ ਮੰਤਰਾਲੇ (MEA) ਨੇ ਸ਼ੁੱਕਰਵਾਰ ਨੂੰ ਇੱਕ ਵੱਡਾ ਫ਼ੈਸਲਾ ਕਰਦੇ ਹੋਏ BLS ਇੰਟਰਨੈਸ਼ਨਲ ਸਰਵਿਸਜ਼ ਲਿਮਿਟੇਡ ਨੂੰ ਅਗਲੇ ਦੋ ਸਾਲਾਂ ਲਈ ਭਾਰਤੀ ਮਿਸ਼ਨਾਂ ਅਤੇ ਵਿਦੇਸ਼ੀ ਦਫ਼ਤਰਾਂ ਵੱਲੋਂ ਜਾਰੀ ਕੀਤੇ ਜਾਣ ਵਾਲੇ ਕਿਸੇ ਵੀ ਨਵੇਂ ਟੈਂਡਰ ਵਿੱਚ ਭਾਗ ਲੈਣ ਤੋਂ ਰੋਕ ਦਿੱਤਾ ਹੈ।
ਇਸ ਆਦੇਸ਼ ਦੇ ਤਹਿਤ ਹੁਣ ਕੰਪਨੀ ਭਾਰਤੀ ਦੂਤਾਵਾਸਾਂ, ਕੌਂਸਲੇਟਾਂ ਅਤੇ ਵਿਦੇਸ਼ੀ ਦਫ਼ਤਰਾਂ ਨਾਲ ਜੁੜੇ ਨਵੇਂ ਪ੍ਰਾਜੈਕਟਾਂ ਵਿੱਚ ਬੋਲੀ ਨਹੀਂ ਲਗਾ ਸਕੇਗੀ। MEA ਦਾ ਇਹ ਕਦਮ ਕੁਝ ਅਦਾਲਤੀ ਕੇਸਾਂ ਅਤੇ ਅਰਜ਼ੀਦਾਤਾਵਾਂ ਵਲੋਂ ਕੀਤੀਆਂ ਸ਼ਿਕਾਇਤਾਂ ਦੇ ਮੱਦੇਨਜ਼ਰ ਲਿਆ ਗਿਆ ਹੈ।
BLS ਇੰਟਰਨੈਸ਼ਨਲ ਨੇ ਸਵੀਕਾਰਿਆ ਹੈ ਕਿ ਇਹ ਕਾਰਵਾਈ ਕੁਝ ਅਦਾਲਤੀ ਮਾਮਲਿਆਂ ਅਤੇ ਸ਼ਿਕਾਇਤਾਂ ਨਾਲ ਸੰਬੰਧਿਤ ਹੈ, ਪਰ ਕੰਪਨੀ ਨੇ ਵਿਸ਼ੇਸ਼ ਜਾਣਕਾਰੀ ਸਾਂਝੀ ਨਹੀਂ ਕੀਤੀ।
ਇਹ ਫ਼ੈਸਲਾ ਕੰਪਨੀ ਦੀਆਂ ਵਿਦੇਸ਼ੀ ਸੇਵਾਵਾਂ ’ਤੇ ਅਸਰ ਪਾ ਸਕਦਾ ਹੈ ਕਿਉਂਕਿ BLS ਕਈ ਦੇਸ਼ਾਂ ਲਈ ਵੀਜ਼ਾ ਅਤੇ ਪਾਸਪੋਰਟ ਸੇਵਾਵਾਂ ਸੰਭਾਲਦੀ ਹੈ। MEA ਦਾ ਇਹ ਕਦਮ ਸਰਕਾਰੀ ਠੇਕਿਆਂ ਵਿੱਚ ਪਾਰਦਰਸ਼ਤਾ ਅਤੇ ਜ਼ਿੰਮੇਵਾਰੀ ਵਧਾਉਣ ਵੱਲ ਇਕ ਮਹੱਤਵਪੂਰਨ ਸੰਕੇਤ ਹੈ।
#MEA #BLSInternational #India #DiplomaticMissions #EmbassyServices #GovernmentOfIndia #VisaServices #IndianConsulates #BreakingNews #GKMNews
